San Romilu, ai soei cari Matussiai,
    in santa eredità u gh'ha ascì lasciau
    u propriu nome e a fede di Cristiai
    cande, inta Bauma mortu, i l'han truvau.

Dai bruti Saracin, gianchi africai,
    a tèrra di Matusci, u ha liberau,
    tantu, che matoloi e casurai,
    Patronu da çità lesti i l'han fau.

Cu u peatà di agni, cianinetu
    u nome u se tramua inte San Remo
    senza fà abadu au Santu, meschinetu,

che u nu se n'ha pè ma e, da l'Erému,
    delongu u fà spruinà, cume alantù
    sci a Parmura e u Leun, l'oiru du sù.

Alcar.